சென்னை விமான நிலையத்தில் ரசிகரிடம் மொபைல் வாங்கி செல்ஃபி எடுத்து கொடுத்த நடிகர் அஜித்.

நடிகர் அஜித் புதிய கெட் அப்புடன் வலம் வரும் வீடியோ சமூக வலைத்தளங்களில் வைரலாகி வருகிறது. கடந்த சில ஆண்டுகளாக பெப்பர் சால்ட் எனப்படும் வெள்ளை முடியுடன் அஜித் நடித்து வருகிறார். சமீபத்தில் விஸ்வாசம் படத்தில் தாடி மீசையுடன் பெப்பர் சால்ட் கோலத்தில் காட்சியளித்த அஜித், அடுத்த படமான நேர்கொண்ட பார்வையிலும் அதேபோல் நடித்திருந்தார். இந்நிலையில் தற்போது பெயரிடப்படாத படத்தில் நடித்து வரும் அவர், முன்பைப் போல கருமையான தலையுடன் வழுவழுப்பாக ஷேவ் செய்து புதிய தோற்றத்தில் அவர் இருக்கும் வீடியோ தற்போது வெளியாகி உள்ளது. சென்னை விமான நிலையம் வந்த அவர் அப்போது ரசிகர்களுடன் சேர்ந்து செல்ஃபி எடுத்துக் கொண்டார்.