ALL மாநில செய்திகள், நீதிமன்ற செய்திகள், போலீஸ் செய்திகள், மாவட்ட செய்திகள், சினிமா செய்திகள், மருத்துவம் செய்திகள் விளையாட்டுச் செய்திகள் உலகச் செய்திகள், தேசிய செய்திகள், ஆன்மீக,இஸ்லாம், மனிதநேயம் செய்திகள்
இ-பாஸ் நடைமுறை இனியும் தேவையற்றது-மு.க.ஸ்டாலின்
August 6, 2020 • M.Divan Mydeen • மாநில செய்திகள்,

தமிழகத்தில் இ-பாஸ் நடைமுறை இனியும் தேவையற்றது என திமுக தலைவர் மு.க.ஸ்டாலின் தெரிவித்துள்ளார்.

இது தொடர்பாக அவர் விடுத்துள்ள அறிக்கையில், ஊரடங்கு தளர்வுகள் அறிவிக்கப்பட்டாலும், தொடர்ந்து நீடிக்கும் இ-பாஸ் நடைமுறையால் சொந்த ஊர்களுக்கு சென்ற மக்கள், பணிபுரிந்த, தொழில் நடத்திவரும் ஊர்களுக்கு திரும்ப முடியாத சூழல் நிலவுவதாக குறிப்பிட்டுள்ளார்.

துதளர்வுகளின் அடிப்படை நோக்கத்தையே அடியோடு சீரழிக்கும் அடாவடிச் செயல் எனவும் கூறியுள்ளார். அவசரங்களுக்கு விண்ணப்பிக்கும் இ-பாஸ் பொருந்தாத காரணங்களைச் சொல்லி பலமுறை நிராகரிக்கப்பட்டு விடுவதாகவும், பத்து முறை விண்ணப்பித்தாலும் நேர்மையான முறையில் பாஸ் கிடைப்பதில்லை என்றும் தெரிவித்துள்ளார்.

மேலும் இ-பாஸ் குறித்த முறைகேடுகள் அதிகரித்து விட்டதாகவும் சுட்டிக்காட்டியுள்ள ஸ்டாலின், 'செயற்கையான' தடையை ஏற்படுத்தி இன்னல்படுத்திட வேண்டாம் என்றும், எனவே இ-பாஸ் முறையை உடனே ரத்து செய்ய வேண்டும் எனவும் கேட்டுக் கொண்டுள்ளார்.