ALL மாநில செய்திகள், நீதிமன்ற செய்திகள், போலீஸ் செய்திகள், மாவட்ட செய்திகள், சினிமா செய்திகள், மருத்துவம் செய்திகள் விளையாட்டுச் செய்திகள் உலகச் செய்திகள், தேசிய செய்திகள், ஆன்மீக,இஸ்லாம், மனிதநேயம் செய்திகள்
செல்போன் வீடியோ மூலம் அவதூறு பரப்பியதாக நகராட்சி திட்ட அலுவலராகப் பணிபுரிந்து பணியிடை நீக்கம் செய்யப்பட்டவர், கைது செய்யப்பட்டுள்ளார்.
October 19, 2019 • M.Divan Mydeen

நீலகிரி மாவட்டம் கூடலூர் நகராட்சி திட்ட அலுவலராகப் பணிபுரிந்து பணியிடை நீக்கம் செய்யப்பட்டவர், மாவட்ட ஆட்சியர் மற்றும் நகராட்சி ஆணையர் மீது செல்போன் வீடியோ மூலம் அவதூறு பரப்பியதாக கைது செய்யப்பட்டுள்ளார். அறிவுடைநம்பி என்ற அந்த அலுவலர் கடந்த 30 ஆம் தேதி நகராட்சி ஆணையர் உத்தரவின்பேரில் சீல் வைக்கப்பட்ட ஒரு கட்டிடத்தை தன்னிச்சையாக கையூட்டுப் பெற்றுக்கொண்டு திறந்து விட்டதாக பணியிடை நீக்கம் செய்யப்பட்டார். பணியிடை நீக்கம் செய்யப்பட்ட அவர், மாவட்ட ஆட்சியர் இன்னசண்ட் திவ்யா மற்றும் நகராட்சி ஆணையர் நாராயணன் ஆகியோர் மீது ஊழல் புகார் சுமத்தி வீடியோ ஒன்றை சமூக வலைதளங்களில் வெளியிட்டுள்ளார். அதில் தம் மீது நடவடிக்கை எடுத்தால் பிரதமர், முதலமைச்சர், உள்ளாட்சித்துறை அமைச்சர் உள்ளிட்டோர் தலையிடுவார்கள் என்று கூறி அதிர வைத்துள்ளார். இந்த வீடியோ வைரலானதை அடுத்து, மாவட்ட ஆட்சியர் மற்றும் நகராட்சி ஆணையர் குறித்து அவதூறு பரப்பியதாக வழக்குப்பதிவு செய்யப்பட்டு அறிவுடைநம்பி கைது செய்யப்பட்டுள்ளார்.