ALL மாநில செய்திகள், நீதிமன்ற செய்திகள், போலீஸ் செய்திகள், மாவட்ட செய்திகள், சினிமா செய்திகள், மருத்துவம் செய்திகள் விளையாட்டுச் செய்திகள் உலகச் செய்திகள், தேசிய செய்திகள், ஆன்மீக,இஸ்லாம், மனிதநேயம் செய்திகள்
ஜம்மு-காஷ்மீர் விவகாரம் இந்தியாவின் சொந்த விஷயம் என்றும், பிற நாடுகள் அதுகுறித்து கருத்து தெரிவிக்க வேண்டாம்
October 10, 2019 • M.Divan Mydeen

ஜம்மு-காஷ்மீர் விவகாரம் இந்தியாவின் சொந்த விஷயம் என்றும், பிற நாடுகள் அதுகுறித்து கருத்து தெரிவிக்க வேண்டாம் எனவும் மத்திய வெளியுறவுத்துறை அமைச்சகம் திட்டவட்டமாக தெரிவித்துள்ளது. சீன அதிபர் ஜி ஜின்பிங் நாளை இந்தியா வருகிறார். கடந்த செவ்வாய்க்கிழமை பீஜிங் சென்ற பாகிஸ்தான் பிரதமர் இம்ரான் கான், ஜி ஜின்பிங்கை சந்தித்து ஆலோசனை நடத்தினார். அப்போது காஷ்மீர் விவகாரம் குறித்து இருவரும் ஆலோசனை நடத்தியதாக கூறப்படுகிறது. இந்நிலையில் காஷ்மீர் விவகாரம் குறித்து பிற நாடுகள் கருத்து தெரிவிக்க வேண்டாம் என மத்திய வெளியுறவுத்துறை அமைச்சகம் தெரிவித்துள்ளது. இதுதொடர்பாக பேசியுள்ள வெளியுறவு அமைச்சகத்தின் செய்தி தொடர்பாளர் ரவீஷ் குமார், காஷ்மீர் இந்தியாவின் ஒரு அங்கம் என்றும், இந்த விவகாரத்தில் இந்தியாவின் நிலைப்பாடு சீனாவுக்கு நன்றாகவே தெரியும் எனவும் கூறியுள்ளார். இந்தியாவின் உள்நாட்டு விவகாரம் குறித்து பிற நாடுகள் கருத்து தெரிவிக்க வேண்டாம் எனவும் ரவீஷ் குமார் கேட்டுக் கொண்டுள்ளார்.