ALL மாநில செய்திகள், நீதிமன்ற செய்திகள், போலீஸ் செய்திகள், மாவட்ட செய்திகள், சினிமா செய்திகள், மருத்துவம் செய்திகள் விளையாட்டுச் செய்திகள் உலகச் செய்திகள், தேசிய செய்திகள், ஆன்மீக,இஸ்லாம், மனிதநேயம் செய்திகள்
தமிழகத்தின் பல்வேறு பகுதிகளில் பரவலாக பலத்த மழை...
April 6, 2020 • M.Divan Mydeen • மாவட்ட செய்திகள்,

கோடை வெயில் அதிகரிக்கத் தொடங்கியுள்ள நிலையில், தமிழகத்தின் பல்வேறு பகுதிகளில் பரவலாக மழை பெய்துள்ளது.

தூத்துக்குடி மாவட்டம் சாத்தான்குளம், விளாத்திகுளம் சுற்றுவட்டாரப் பகுதிகளில் இடிமின்னலுடன் கூடிய பலத்த மழை பெய்தது. 

விருதுநகர் மாவட்டம் சாத்தூர், சடையம்பட்டி, மேட்டுப்பட்டி, இருக்கன்குடி, தாயில்பட்டி, உள்ளிட்ட இடங்களில் இடியுடன் கூடிய கனமழை பெய்து சூழலை குளிர்ச்சியாக்கியது. 

திருப்பத்தூர் மாவட்டம் வாணியம்பாடி சுற்றுவட்டார பகுதிகளில் மாலையில் பலத்த காற்றுடன் கூடிய மழை பெய்தது. 

தேனி மாவட்டம் போடி சுற்றுவட்டாரப் பகுதிகளில் ஒரு மணி நேரத்திற்கும் மேலாக கன மழை கொட்டித் தீர்த்தது. போடி, கம்பம் பள்ளத்தாக்கு உள்ளிட்ட பகுதிகளில் காற்றுடன் கூடிய மழை பெய்தது. 

விருதுநகர் மாவட்டம் ராஜபாளையம் சுற்றுவட்டாரப்பகுதிகளில் பரவலாக மழை பெய்ததால் அப்பகுதி விவசாயிகளும், பொதுமக்களும் மகிழ்ச்சியடைந்துள்ளனர்.