ALL மாநில செய்திகள், நீதிமன்ற செய்திகள், போலீஸ் செய்திகள், மாவட்ட செய்திகள், சினிமா செய்திகள், மருத்துவம் செய்திகள் விளையாட்டுச் செய்திகள் உலகச் செய்திகள், தேசிய செய்திகள், ஆன்மீக,இஸ்லாம், மனிதநேயம் செய்திகள்
தீபாவளிப் பண்டிகையை முன்னிட்டு அக்.26-28 பள்ளிகளுக்கு விடுமுறை
October 10, 2019 • M.Divan Mydeen

தீபாவளி பண்டிகையை முன்னிட்டு அக்டோபர் 26, 27 மற்றும் 28 ஆகிய மூன்று நாட்கள் விடுமுறை விடப்படும் எனப் பள்ளிக்கல்வித்துறை அறிவித்துள்ளது இது தொடர்பாக பள்ளிக் கல்வித்துறை வெளியிட்ட அறிக்கையில், தீபாவளிப் பண்டிகை அக்டோபர் 27 ஆம் தேதி ஞாயிற்றுக் கிழமை கொண்டாடப்படுகிறது. பள்ளிக் கால அட்டவணையின் படி முந்தைய நாளான சனிக்கிழமை பணி நாளாக இருந்த நிலையில், சனி மற்றும் திங்கள் கிழமை விடுமுறை விடப்படுகிறது. வெளியூரில் வசிப்பவர்கள் தீபாவளிக்கு சொந்த ஊர் செல்வதற்கும் மீண்டும் ஊர் திரும்புவதற்கும் வசதியாக சனி மற்றும் திங்கள் கிழமை அளிக்கப்பட்டுள்ளது. அக்டோபர்28 ஆம் தேதி விடுமுறை தினத்திற்கு பதிலாக வேறொரு சனிக்கிழமை வேலை நாளாக அறிவித்துக் கொள்ளலாம் என்று தெரிவிக்கப்பட்டது. இந்தப் புதிய அறிவிப்பினால் பொதுமக்கள் மற்றும் வெளியூர்களில் வேலை செய்பவர்கள் மகிழ்ச்சி அடைந்துள்ளனர்.