ALL மாநில செய்திகள், நீதிமன்ற செய்திகள், போலீஸ் செய்திகள், மாவட்ட செய்திகள், சினிமா செய்திகள், மருத்துவம் செய்திகள் விளையாட்டுச் செய்திகள் உலகச் செய்திகள், தேசிய செய்திகள், ஆன்மீக,இஸ்லாம், மனிதநேயம் செய்திகள்
தீபாவளி சீட்டு நடத்தி 2 கோடி ரூபாய் மோசடி...!
October 22, 2019 • M.Divan Mydeen

சென்னையில் தனியார் நிறுவனம் மூலம் தீபாவளி சீட்டு நடத்தி 2 கோடி ரூபாய் மோசடி செய்த சம்பவம் பரபரப்பை ஏற்படுத்தியுள்ளது. திருவேற்காடு பகுதியில் ரஞ்சித் மற்றும் மனோஜ் ஆகியோர் ஓம் சக்தி எண்டர் பிரைசஸ் என்ற பெயரில் தனியார் நிறுவனம் நடத்தி வந்தனர். இவர்கள் தீபாவளி சீட்டு நடத்துவதாகக் கூறி, அதே பகுதியைச் சேர்ந்த பொதுமக்களிடம் கடந்த ஓராண்டாக மாதந்தோறும் 500 ரூபாய் வசூல் செய்துள்ளனர். சுமார் ஆயிரத்து 500 பேரிடம் சீட்டு வசூல் செய்த அவர்கள் சுமார் 2 கோடி ரூபாய் பணத்துடன் திடீரென மாயமாகியதாகக் கூறப்படுகிறது. இதனால் அதிர்ச்சியடைந்த 100க்கும் மேற்பட்டோர் திருவேற்காடு காவல் நிலையத்தை முற்றுகையிட்டு போலீசாரிடம் புகார் அளித்தனர். பணம் கட்டியது குறித்து கேட்கப்போனால் தங்களை மிரட்டுவதாகவும் பாதிக்கப்பட்டவர்கள் வேதனை தெரிவித்துள்ளனர். இந்த விவகாரத்தில் போலீசார் விரைந்து மோசடி செய்தவர்களை கைது செய்ய வேண்டும் என பாதிக்கப்பட்டவர்கள் வலியுறுத்தியுள்ளனர்.