ALL மாநில செய்திகள், நீதிமன்ற செய்திகள், போலீஸ் செய்திகள், மாவட்ட செய்திகள், சினிமா செய்திகள், மருத்துவம் செய்திகள் விளையாட்டுச் செய்திகள் உலகச் செய்திகள், தேசிய செய்திகள், ஆன்மீக,இஸ்லாம், மனிதநேயம் செய்திகள்
தூர்வாராத கால்வாய்க்கு ரூ.5 லட்சம் செலவு கணக்கு காட்டிய அதிகாரிகள்
September 8, 2019 • M.Divan Mydeen

மதுரை மாவட்டம், வாடிப்பட்டி அருகே பாசன கால்வாயை தூர்வாராமலேயே அரசு அதிகாரிகள் 5 லட்சம் ரூபாய் செலவு கணக்குக் காட்டி சுருட்டி விட்டதாக விவசாயிகள் புகார் கூறியுள்ளனர். முள்ளிப்பள்ளம் கிராமத்தில் உள்ள குடமுறட்டி கால்வாய் மூலம் சுமார் 300 ஏக்கர் நிலம் பாசன வசதி பெறுகிறது. இக்கால்வாயை தூர்வார நடவடிக்கை எடுக்கும்படி வாடிப்பட்டி ஊராட்சி ஒன்றியத்தில் விவசாயிகள் மனு அளித்தனர். அதன்மீது எந்த நடவடிக்கையும் எடுக்கப்படாததால் விவசாயிகளே, சொந்த பணத்தில் ஜேசிபி இயந்திரங்கள் மூலம் 7 நாட்களில் தூர்வாரியுள்ளனர். இந்நிலையில், அக்கால்வாயை 5 லட்சம் ரூபாய் செலவில் தூர்வாரியதாக தெரிவித்து, மக்களின் கண்களுக்கு தென்படாத இடத்தில் கல்வெட்டை அமைத்து அதிகாரிகள் புகைப்படம் எடுத்துச் சென்றதாக விவசாயிகள் குற்றம்சாட்டுகின்றனர். இதற்கு தாங்கள் கண்டனம் தெரிவித்ததும், கல்வெட்டை அதிகாரிகள் இடித்து அகற்றி விட்டதாகவும், எனவே, கால்வாயை தூர்வாராமலேயே 5 லட்சம் ரூபாயை கணக்குக் காட்டிய அதிகாரிகள் மீது நடவடிக்கை எடுக்க வேண்டுமென்றும் விவசாயிகள் கோரிக்கை விடுத்துள்ளனர்.