ALL மாநில செய்திகள், நீதிமன்ற செய்திகள், போலீஸ் செய்திகள், மாவட்ட செய்திகள், சினிமா செய்திகள், மருத்துவம் செய்திகள் விளையாட்டுச் செய்திகள் உலகச் செய்திகள், தேசிய செய்திகள், ஆன்மீக,இஸ்லாம், மனிதநேயம் செய்திகள்
மதராசப்பட்டினம் விருந்து - பாரம்பரிய உணவுத் திருவிழா
September 10, 2019 • M.Divan Mydeen

தொற்றா நோய்கள் வராமல் இருக்க, பாரம்பரிய உணவுகளை உண்ண வேண்டும் என்று சுகாதாரத்துறை அமைச்சர் விஜயபாஸ்கர் அறிவுறுத்தியுள்ளார். உணவு பாதுகாப்பு துறை மற்றும் இந்திய உணவுப் பாதுகாப்பு மற்றும் தர நிர்ணய ஆணையம் இணைந்து நடத்தும் மதராசப்பட்டினம் விருந்து என்ற பாரம்பரிய உணவுத் திருவிழா வரும் 13ஆம் தேதி தொடங்கி மூன்று நாட்களுக்கு சென்னை தீவுத்திடலில் நடைபெறவுள்ளது. உணவுத் திருவிழாவுக்கான லோகோவை தீவுத்திடலில் வைத்து சுகாதாரத்துறை அமைச்சர் விஜயபாஸ்கர் அறிமுகம் செய்து வைத்தார். பாரம்பரிய உணவுகள் செய்முறை மற்றும் அவற்றால் ஏற்படும் நலன்களை பொதுமக்களிடம் கொண்டு சேர்க்கும் வகையில் இந்த உணவுத் திருவிழா நடத்தப்பட இருப்பதாகக் கூறினார். சாலை ஓரக் கடைகள் தொடங்கி பெரிய உணவு நிறுவனங்கள் வரை இந்த உணவுத் திருவிழாவில் கலந்து கொள்ள உள்ளதாகத் தெரிவித்த அமைச்சர் விஜயபாஸ்கர், பாரம்பரிய உணவுகளை தயாரிப்பது தொடர்பாக சிறப்பு பயிற்சி அளிக்கப்பட உள்ளதாகவும், இதில் பங்கேற்க பொதுமக்களுக்கு அனுமதி இலவசம் என்றும் தெரிவித்தார்.