ALL மாநில செய்திகள், நீதிமன்ற செய்திகள், போலீஸ் செய்திகள், மாவட்ட செய்திகள், சினிமா செய்திகள், மருத்துவம் செய்திகள் விளையாட்டுச் செய்திகள் உலகச் செய்திகள், தேசிய செய்திகள், ஆன்மீக,இஸ்லாம், மனிதநேயம் செய்திகள்
ரயில் நிலையத்தில் ரூ.2.50 லட்சத்தை தவறவிட்ட பயணி - பத்திரமாக மீட்டு ஒப்படைத்த ரயில்வே போலீசார்
September 16, 2019 • M.Divan Mydeen

திருச்சியில் ரயில் பயணி ஒருவர் தவறவிட்ட 2 லட்சத்து 50 ஆயிரம் பணத்தை ரயில்வே போலீசார் பத்திரமாக மீட்டு ஒப்படைத்தனர். கடலூர் மாவட்டத்தைச் சேர்ந்த தயானந்தன் என்பவர் தொழில் விஷயமாக 2 லட்சத்து 50 ஆயிரம் ரூபாயுடன் விருத்தாசலம் ரயில்நிலையத்தில் ஏறியுள்ளார். திருச்சி ரயில் நிலையத்தில் கீழே இறங்கி அவர் உணவருந்தியபோது ரயில் புறப்பட்டதால் அதிர்ச்சியடைந்தார். அருகில் இருந்த ரயில்வே உதவி மையத்தை நாடி ரயிலில் பணத்தைத் தவறவிட்ட விபரத்தைக் கூறியுள்ளார். இதுகுறித்து உடனடியாக கரூர் ரயில் நிலைய ரயில்வே போலீசாருக்கு தகவல் தெரிவிக்கப்பட்டது. இதனையடுத்து முன்பதிவு செய்யப்படாத ரயில் பெட்டிக்கு சென்ற ரயில்வே போலீசார் பணத்தை மீட்டனர். பேருந்தில் கரூர் வந்து சேர்ந்த தயானந்தனிடம் விசாரணைக்கு பின்பு அவர்கள் பணத்தை ஒப்படைத்தனர்.