ALL மாநில செய்திகள், நீதிமன்ற செய்திகள், போலீஸ் செய்திகள், மாவட்ட செய்திகள், சினிமா செய்திகள், மருத்துவம் செய்திகள் விளையாட்டுச் செய்திகள் உலகச் செய்திகள், தேசிய செய்திகள், ஆன்மீக,இஸ்லாம், மனிதநேயம் செய்திகள்
லஞ்சத்தில் ஐ.எஸ்.ஐ முத்திரை வாங்கியது அதிமுக அரசு : மு.க.ஸ்டாலின்
October 18, 2019 • M.Divan Mydeen

லஞ்சத்தில் ஐ.எஸ்.ஐ முத்திரை வாங்கிய அரசு, அதிமுக அரசு என விக்கிரவாண்டி தொகுதி திண்ணைப்பிரச்சாரத்தின் போது திமுக தலைவர் ஸ்டாலின் குற்றச்சாட்டியுள்ளார். இடைத்தேர்தலுக்காக அரசியல் பிரமுகர்கள் தீவிர பிரச்சாரத்தில் இறங்கியுள்ளனர். இந்நிலையில் திமுக தலைவர் ஸ்டாலின், விக்கிரவாண்டி தொகுதி, எழும் செம்பொன் பகுதியில் பிரச்சாரம் மேற்கொண்டார். அப்போது பேசிய அவர், மக்களின் அடிப்படை பிரச்சனைகளை கூட நிவர்த்தி செய்யாத அரசு தமிழகத்தில் நடைபெறுவதாக விமர்சித்தார். மகளிர் சுயஉதவி குழுக்களை உருவாக்கி பெண்கள் முன்னேற்றத்திற்கு சுழல் நிதி, வங்கி கடன், மானியத்துடன் கூடிய கடன் பல்வேறு நலதிட்டங்களை திமுக அரசு வழங்கியதாக ஸ்டாலின் தெரிவித்தார். திமுக ஆட்சிக்கு வந்தவுடன் கண்டிப்பாக 5 சவரனுக்கு கீழ் உள்ள நகை கடன்கள் தள்ளுபடி செய்யப்படும் என ஸ்டாலின் உறுதி கூறினார். தமிழகத்தின் சட்டஒழுங்கு பிரச்னைக்கு, பொள்ளாச்சி பாலியல் சம்பவமே எடுத்துகாட்டு என்றும் அவர் சாடினார்.