ALL மாநில செய்திகள், நீதிமன்ற செய்திகள், போலீஸ் செய்திகள், மாவட்ட செய்திகள், சினிமா செய்திகள், மருத்துவம் செய்திகள் விளையாட்டுச் செய்திகள் உலகச் செய்திகள், தேசிய செய்திகள், ஆன்மீக,இஸ்லாம், மனிதநேயம் செய்திகள்
2 மாதங்களில் சென்னையில் 800 கிலோ கஞ்சா பறிமுதல் செய்யப்பட்டுள்ளது-மகேஷ் குமார் அகர்வால்
August 22, 2020 • M.Divan Mydeen • போலீஸ் செய்திகள்,

சென்னையில் கஞ்சா, குட்கா, ரவுடியிசத்தை கட்டுப்படுத்தி கடும் நடவடிக்கை எடுத்து வருவதாக மாநகரக் காவல் ஆணையர் மகேஷ்குமார் அகர்வால் தெரிவித்துள்ளார்.

விநாயகர் சதுர்த்தியையொட்டிக் கடலில் சிலைகளைக் கரைப்பதைத் தடுக்க நேப்பியர் பாலம் முதல் சாந்தோம் வரை மெரினா கடற்கரையில் காவல்துறையினர் பாதுகாப்புப் பணியில் ஈடுபட்டுள்ளனர்.

ஏற்பாடுகளை ஆய்வு செய்த மாநகரக் காவல் ஆணையர் மகேஷ்குமார் அகர்வால் செய்தியாளர்களிடம் பேசினார். அப்போது சென்னைக்குள் ரவுடிகளுக்கு அனுமதி இல்லை எனத் தெரிவித்தார்.

கஞ்சா கடத்தலையும், விற்பனையையும் தடுக்க நடவடிக்கை எடுத்து வருவதாகவும் தெரிவித்தார். சென்னையின் எல்லை பகுதிகளில் தீவிரமாக கண்காணித்து வருகிறோம். ஆந்திராவில் இருந்து கொண்டு வரப்பட்ட கஞ்சா பறிமுதல் செய்துள்ளோம்.

கடந்த 2 மாதங்களில் சுமார் 800 கிலோ கஞ்சா பறிமுதல் செய்துள்ளோம். அனைத்து போலீசாருக்கும் உத்தரவிடப்பட்டுள்ளது. சென்னை நகருக்குள் யாரும் சட்டவிரோத செயலில் ஈடுபட முடியாத வகையில் கண்காணிப்பு பணியை தீவிரப்படுத்தி உள்ளோம். கஞ்சா, குட்கா, ரவுடியிசத்தை கட்டுப்படுத்தி கடும் நடவடிக்கை எடுத்து வருகிறோம்" என்று கூறினார்.